მეთოდები და სტრატეგიები

საგნის სწავლების მაღალი  ხარისხის უდავო წინაპირობაა სასწავლო მეთოდებისა და სტრატეგიების მრავალფეროვნება .ამ გვერდს "მეთოდების ნუსხას" ვუწოდებ და შემოგთავაზებთ ისტორიის გაკვეთილებზე ჩემს მიერ გამოყენებულ მეთოდებს. 

• ლექცია, მინი ლექცია -როგორც არ უნდა  ვუწოდოთ ამ მეთოდს (ტრადიციული, მოძველებული...) გარკვეული დოზით აუცილებლად და საჭიროდ მიმაჩნია გაკვეთილზე, არა აქვს მნიშვნელობა, მოსწავლის მიერ იქნება გამოყენებული, თუ მასწავლებლის მიერ. 

• მთავარი სათქმელის გამოყოფა-ამ მეთოდს ხშირად ვიყენებ ახალი მასალის ახსნისას, მოსწავლეები მუშაობენ ახალ მასალაზე და გამოყოფენ საკვანძო საკითხებს.

• პრეზენტაცია - ჯგუფური ნამუშევრის  თუ საშინაო დავალების წარმოდგენისას ეს მეთოდი ყველაზე შესაბამისად მიმაჩნია. მოსწავლეებსი ვითარდება აუდიტორიის ფლობის, დროის ლიმიტის დაცვის და სხვა მნიშვნელოვანი უნარები

• კითხვა-პასუხი - აქტიური პროცესი, როცა ჩართულია მოსწავლეთა უმრავლესობა

• გრაფიკული ორგანიზატორები - მათ შორის მიზეზშედეგობრიობის პარადიგმა, ცნების რუკა,მოვლენის პარადიგმა- საუკეთესო მეთოდი ინფორმაციის სხვადასხვა სახით წარმოსადგენად.

• დისკუსია - აზრის თავისუფლად გამოთქმის, საწინააღმდეგო აზრის მიღების და გაზიარების, კონტრარგუმენტებით მსჯელობის საშუალება, რომლის გამოყენებისას იხვეწება მოსწავლის სხვადასხვა უნარები.

• გონებრივი იერიში-  ნებისმიერი აზრისა და იდეის დაფიქსირების საშუალება

• ხუთი თითის პრინციპი- ვინ, სად, რა , როდის , რატომ? 

• პრობლემის ანალიზი-საუკეთესო მეთოდი საკითხის სხვადასხვა კუთხით გასაშუქებლად